യേശു ജനിച്ചുവോ

പാരിതിൽ വന്നു പിറന്ന ദെെവമേ
ഉന്നതങ്ങളിൽ വാഴ്ത്തും മഹത്വമേ....
നീ പിറന്നുവോ പുൽകൂടിൻ ലാളിത്യത്തിൽ
മന്നിലെ മനുഷ്യർക്ക് കൂട്ടാകുവാൻ
ലോകർക്ക് വഴികാട്ടാൻ
ജാതമോദം ചേർന്നു ദേവദൂതർ പാടിയന്നാ-
ട്ടിടയർ ചേർന്നുതൊഴുതു നിന്നൂ
ദൂരദേശേനിന്നു വന്നവർആദരാൽ കാഴ്ചവച്ചു നമിച്ചുനിന്നൂ
അസത്യത്തിൻ കോട്ടകളെല്ലാം സത്യപ്രകാശിതമായി
ആശ്രിതർക്കാശ്രയമായി
അജ്ഞാനത്തിൽ അറിവായി
നീ മന്നിൽ നടന്നുവെന്നോ

ദിവ്യ സ്വപ്നം

മൂകാംബികാദേവി അനുഗ്രഹം ചൊരിയുന്ന പുണ്യഭൂമിയെൻ മനസ്സിൽ തെളിഞ്ഞൂ
ഉഷസ്സിൻ കുളിർമ്മയിൽ സൗപർണികതന്നിൽ ശക്തിതൻ സാന്നിധൃം ഞാനറിഞ്ഞൂ
നിർമാല്യപൂജയാം ദിവ്യമുഹൂർത്തത്തിൽ ദേവിയെൻ മനസ്സിൽ തെളിഞ്ഞൂ
ആ ദിവ്യശക്തിതൻ പ്രഭയാലെൻ മാനസം ആനന്ദ നിർവൃതിയടഞ്ഞൂ
ദീപസഹസ്രങ്ങൾ കെെകൂപ്പും സന്ധ്യയിൽ
ദീപാരാധനചെയ്വൂ ഞാൻ
പത്മശോഭയേറുമാ തൃപ്പാദത്തിൽ ഞാൻ ഭക്തിയോടെന്നും നമിപ്പൂ
സൗപർണ്ണികാതീര സ്മൃതികളിലലിഞ്ഞു ഞാനാ സ്വർഗ്ഗ ഭൂവിലെത്തി
പ്രകൃതിമനോഹരിയായി ചമഞ്ഞൊരാ വനിക കണ്ടുള്ളം കുളിർത്തൂ

തറവാട്

ഓലയും ഓടും ഇഴപാകിനിന്നൊരാ മൺവീട്ടിലാണെൻെറ ബാല്യം
ചുറ്റും ഹരിതാഭ ചേർത്ത് നിന്നന്നൊക്കെ
വാഴയും ചീനിയും തെങ്ങും
മുറ്റത്തെ തെെമാവിൽ പൊൻചാർത്തലുകൾ പോൽ മാമ്പൂകൊലുമ്പുകൾ വിടർന്നിരുന്നൂ
കാക്കയും കുരുവിയും പലതരം കിളികളും ആശ്രയം കണ്ടൊരു പുളിമരവും
കിണറ്റിൻ കരയിലെ ചാമ്പയും മാത്രമോ
പിന്നാമ്പുറത്തൊരു കച്ചിത്തുറ
വീടിൻെറയോരം ചേർന്നൊഴുകിയ കെെതോടും
മണ്ണപ്പം ചുട്ടൊരാ കളിവീടുമിന്നെനിക്കെന്നെന്നും
നല്കുന്നു നല്ലോർമ്മകൾ

ലോകം

നിലാവറിയാതെ രാവിനു ദുഃഖം

മിഴിനീരറിയാതെ മനസിനു ദുഃഖം

ഗാനത്തിലില്ലാത്ത സംഗീതമധുരം

നയനങ്ങളറിയാത്ത വസന്തഭംഗിപോൽ

മനസ്സറിയാത്ത നൊമ്പരങ്ങളെത്രയോ

പറവകളിലുണരുന്നു പ്രഭാതമായ്

മോഹം

അരുവികളിലുണരുന്നു പുഷ്പമായ് മോഹം 

സുഖമറിയാതെ തേടിനടക്കുന്നു

സ്നേഹം നിലയ്ക്കാതെ പാടി നടക്കുന്നു

ജന്മാന്തരങ്ങൾ

വൃന്ദാവനത്തിൽ വളരും ചെടികളിൽ
ഒന്നായ് നമുക്ക് വളരാം
വിടരുന്ന പൂവിൻെറയിതളുകളായിട്ടൊരുനാൾ
നമുക്ക് കൊഴിയാം
ആടിക്കളിക്കും സൂനങ്ങളിൽ തേൻ നുകരുന്ന ശലഭങ്ങളാകാം
വിടരുന്ന മുല്ലതൻ മൊട്ടിൻ സുഗന്ധമായ്
എന്നും നമുക്കുറങ്ങീടാം
കാന്തി ചൊരിയുന്ന സൂര്യൻെറ മറ്റൊരു
കിരണമായ് തീരാം നമുക്ക്
വാനിലെ മഴവില്ലിനേഴു
 വർണ്ണങ്ങളിൽ ഒരുവർണ്ണമായ് നമുക്കലിയാം
നിലാവെഴും ചന്ദ്രന്റെ രശ്മിയിൽ
ഹാ നമുക്കുൾ കുളിരോടെ കഴിയാം
പുസ്തക ചുരുളുകൾക്കിടയിൽ മറ്റൊരു പുസ്തകതാളായിരിക്കാം
രാപ്പകലിങ്ങനെ മാറി  വരുമ്പോളതിലൊരു ജന്മമായ് കൂടാം

താഴ്വര

നറുനിലാവിൻ പുഞ്ചിരിയുമായ്
എന്നുള്ളിലൊരു കൊച്ചു താഴ്വര
പൂത്ത്തളിർത്തൊരാ വൻമരകൂട്ടങ്ങൾ
ആശ്രയമേകുന്നു കുഞ്ഞു ലതകൾക്കായ്
തേനുണ്ട് രസിക്കും വണ്ടിൻ കൂട്ടവും
പുൽചെടിതുമ്പിലെ മഞ്ഞിൻ കണങ്ങളും
അഴകോടൊഴുകുമാ കൊച്ചരുവിയും
പൂക്കളോടുല്ലസിച്ച് പുൽനാമ്പിനോട് കഥ പറഞ്ഞ്
ഞാനാസ്വപ്നതാഴ്വരയിൽ
ഒരു ചെറുചില്ലതൻ സ്പർശം എന്നിലൊരായിരം സാന്ത്വനമായി
പൊഴിയും പുഷ്പങ്ങളെന്നിൽ
ഒരായിരം വർണ്ണങ്ങളായി
എത്ര സൂനങ്ങൾ ചിരിച്ചുല്ലസ്സിക്കുന്നു
എത്ര മണ്ണിൽ നിശ്ചലമമർന്നുപോയ്
 പൂത്തൂവിടർന്നൊരാപൂവുകൾ കാണുമ്പോൾ
പൂവണിനിലാവത്തു താരകൾ ചിരിക്കുമ്പോൾ
മഞ്ഞിൻകണം നിലാവത്ത് മിന്നിതിളങ്ങുമ്പോൾ
എൻ മനസ്സിൽ വിടരുന്നു ഓംകാര മന്ത്രങ്ങൾ ശാന്തിതൻ ഓളങ്ങൾ .

മേഘമേ പറയുമോ

നീലാകാശത്തിൻ ശോഭയായി
ഒഴുകി നടക്കുന്ന വെൺമേഘമേ

അർക്കനെ തേടി അലഞ്ഞു നടക്കും നീ നിൻ ശോഭയെത്രയെന്നറിയുന്നുവോ 

കാണാതെയാകുമ്പോൾ ദുഖത്താൽ നീ

ശ്യാമവർണ്ണാംഗയായ് മാറിടുന്നു

എങ്കിലും നീ നിത്യശോഭയായി

വിണ്ണിലെന്നും വിളങ്ങീടുന്നൂ

നീ തൂകും കണ്ണീർതുള്ളിയൊരു

വാർമഴയായ് മണ്ണിലലിഞ്ഞുവല്ലോ

ദിനകര കിരണങ്ങൾ കണ്ടിടുമ്പോൾ

നിൻ പുഞ്ചിരിയായ് മഴവില്ലുണർന്നു

ആയതിൻ സപ്ത വർണ്ണങ്ങളാലേ

നിൻ ഹർഷമോദങ്ങൾ കാണായല്ലോ

സൂര്യകിരണത്താൽ നിൻ ശോഭ 

 എത്രയോ സുന്ദരമായി മാറി
വിടപറഞ്ഞകലുന്ന സൂര്യബിംബത്തെ നീ
പരിഭവത്തോടെ അനുഗമിച്ചൂ
അന്നേരം നീ ഹൃദയ വർണ്ണയായ്
വിണ്ണിൻ മുഖഛായ മാറ്റിയല്ലോ
കടലോരമിഥുനങ്ങളതു കണ്ടിട്ട്
കളിവാക്കിതെത്രയോ ചൊന്നിരിക്കാം
വീണ്ടുമാ സൂര്യാഗമനത്തിനായ്
കാത്ത് നീ വിണ്ണിലൊഴുകിടുന്നു

നെൽപാടം

പുലരിയോരോന്നിലും കെെകോർത്തു നമ്മൾ
നിറഞ്ഞപാടം കടന്നതോർമ്മയില്ലേ
മഞ്ഞകതിരുകൾ ചൂടിയ നെൽപാടവരമ്പിലൂടെ നമ്മൾ ഓടി നടന്നതോർമ്മയില്ലേ
പ്രക്യതിയണിഞ്ഞൊരാ പച്ചപട്ടിൽ
മിഴിതറഞ്ഞു നിന്നതോർമ്മയില്ലേ
ശ്യാമമേഘങ്ങൾ പൊഴിക്കുമാ ജലകണം ചിതറിവീണവെൺമുത്തുകൾ പോലതിലതിലെ
ചിത്രവർണ്ണങ്ങളായ്  മാറിയതോർമ്മയില്ലേ
കുഞ്ഞിളം കാറ്റിന്റെ താളത്തിനൊപ്പം ചുവടുവയ്ക്കുമാ നെൽചെടികളിൽ
പുതുമഴ പെയ്തതോർമ്മയില്ലേ
നെല്ലോലകൾ തൻ മർമ്മരം കാതോർത്തതോർമ്മയില്ലേ
ചിത്രശലഭമായ് ഞാൻ പാറിനടന്നൊരാ
വരമ്പുകളെനിക്കിന്നന്യമാകുന്നുവോ
വീണ്ടുമാ സുദിനങ്ങൾക്കായ്
കേഴുന്നിതാ എൻ മനം

അറിയാതെ

പുലരുവാൻ വെമ്പുന്ന രാവിൽ
ഞാനറിയാതിരുന്നൊരാ സ്നേഹം
അറിയാതെ അറിയുന്ന സ്നേഹമായ്
എന്നിലലിയാതെയലിയുന്നുവോ

കേൾക്കുവാൻ കൊതിക്കുന്ന വാക്കുകൾ
ഞാനറിയാതെ കർണ്ണത്തിൽ വീണുവോ
അറിയാതെ പറയുന്ന കവിതയായ്
എന്നിൽ നിറയാതെ നിറയുന്നുവോ

തീരാത്ത തീരാത്ത നോവുകളിൽ
ഞാനറിയാതെ ഉഴലുന്നനേരം
അറിയാതെ വീഴുന്ന മഴയായ്
എന്നിൽ പെയ്യാതെ പെയ്യുന്നുവോ

കാത്തിരിക്കുന്നൊരാ മധുരം
ഞാനറിയാതെ അധരത്തിൽ കിനിയുന്നുവോ
നുകരാതെ നുകരുന്ന തേനായ്
എന്നിൽ ഒഴുകാതെ ഒഴുകുന്നുവോ

കാണാൻ വെമ്പുന്ന ജീവൻ
ഞാനറിയാതെ എന്നരികിലെത്തിയോ
പൂക്കാതെ പൂക്കുന്ന മോഹമായ്
എന്നിൽ വിരിയാതെ വിരിയുന്നുവോ.