നീയെന്നെ തേടുമ്പോൾ

ഒരു രാത്രിതൻ യാമത്തിൽ നീയെന്നെ തേടുമ്പോൾ
നിലാവുള്ള  രാത്രിതൻ നിറമുള്ള വാനിൻെറ
സഹചാരിയാം വെൺമേഘത്തിൽ നീയെന്നെ തേടുമ്പോൾ
താരണി രാവിൽ നിന്നുള്ളിലുറയുമാ
വർഷബിന്ദുവായ് ഞാൻ നിന്നിലലിയും
ഇനിയുമറിയാത്ത എന്നെ  നീ നിൻ കണ്ണുകളാൽ തേടുമ്പോൾ
നിൻ മിഴികളിലൂറിയ സ്വപ്നമായ്
എൻ ആത്മാവ് നിന്നിലലിയും
അനന്തമാം ശബ്ദതരംഗമാംലോകത്തിൽ
നീയെൻ സ്വരം മാത്രം തേടുമ്പോൾ
സ്നേഹഗീതികൾ പാടും രാകുയിലേകും
മോഹവീണയിലൂടെ ഞാൻ നിന്നിലലിയും
മേനി രണ്ടാകിലും മാനസമൊന്നു താൻ
നിന്നിലുമെന്നിലുമറിയൂ
വിധിതൻ കരങ്ങളാൽ
തീർത്ത കാലമണയുമ്പോൾ
നിൻ സവിധത്തിൽ ഞാനെത്തും
നിൻ സ്വപ്നദീപത്തിലെണ്ണ പകരുവാൻ
ജന്മാന്തരങ്ങളൊരായിരമായാലും
പൊട്ടില്ല സ്നേഹത്തിൻ
സ്വർണ്ണചരടൊരിക്കലും

വിദ്യാദേവി

സൂരൃബിംബം തലകുനിക്കും മന്ദഹാസത്തോടെ ശാന്തിതൻ വർണമാം
ശുഭ്രവസ്ത്രമണിഞ്ഞ്
സംഗീതത്തിൻ മാധുരി വിതറും വീണാധാരിണിയായി
വെള്ളതാമരയിലിരിക്കുമാ വാഗീശ്വരിദേവി
സംഗീതത്തിൻ ആത്മാവായി വിലസുന്നൂ എന്നും
ലോകശക്തിയായ് ലോകരെല്ലാം നിന്നെ നമിക്കുന്നൂ
നല്ലമനസിൽ വിളങ്ങുന്നെന്നും വിദ്യാ രൂപത്തിൽ
നിൻതിരുപാദം വീണു നമിപ്പൂ ഈ ഞാൻ എന്നെന്നും.

ചിന്തകൾ

നിശീഥിനി നിൻ ഏകാന്തമാം യാമങ്ങളിൽ നിന്നു ഞാൻ വേദനയോടിതാ വിടചൊല്ലുന്നു

എൻെറ മനസിൽ വിരിഞ്ഞതലതൊട്ടപ്പനെ ഇന്നാരോ തട്ടി തെറിപ്പിച്ചു

നിനക്കായ്

എന്നെ തഴുകുന്ന കാറ്റിനോടും
ആടി കളിക്കുന്ന പൂവിനോടും
പുഞ്ചിരി തൂകുന്ന പകലിനോടും
നിലാവൊഴുക്കുന്ന രാവിനോടും
എന്നുമെൻമനമാരായുന്നൂ
എന്തേ വരാത്തതീവർഷമേഘം
എന്നുമെൻ കണ്ണുകൾ കാത്തിരിപ്പൂ
നിറമാർന്ന മഴവില്ലിൻ ഭംഗികാണാൻ
എന്നുമെൻ കർണ്ണങ്ങൾ കാത്തിരിപ്പൂ
നിൻ മധുരഗാനമൊന്നാസ്വദിക്കാൻ
ഒരു കാറ്റിലൊത്തിരി കുളിരുമായി
ഇത്തിരി മണ്ണിൻ സുഗന്ധമേറി
വരിക നീ ഒരുനാളിൽ എന്നരികിൽ
എൻ മൗനഗാനത്തിന് താളമാകാൻ
നീവരൂ ഭൂമിക്ക് സാന്ത്വനമായ്
ആത്മാവിനുള്ളിലെ പുളകമാകാൻ
നീയെൻ സവിധത്തിൽ വേഗമെത്തൂ
ഞാനെന്നും കാത്തിരിപ്പൂ നിനക്കായ്
നിൻവർഷ ബിന്ദുക്കൾ
എന്നിൽ പതിക്കുമ്പോൾ
എന്നിൽ വിടരുമൊരു ചെറുപുഞ്ചിരി
ആ സുഖ സ്പർശത്തിലലിഞ്ഞു
സുന്ദര സ്വപ്നം പോൽ ഞാനിരിക്കും
അർക്കരശ്മികളെന്നെ തലോടുമ്പോൾ ഞാനുണരും നിനക്കായ് കാത്തിരിക്കും.

ചിങ്ങപുലരിയിലൊരോണം

ഓണമായോണമായ്
പൊൻതിരുവോണമായ്
ഓണഗീതങ്ങൾ തൻ ഉൗഴമായ്
മഞ്ഞകോടിയുടുത്തുനടന്നൊരു ചിങ്ങപ്പുലരിയെന്നോർമ്മയിലെത്തിയൊരോണം
എങ്ങോ പൊയ്പോയ സൗഭാഗ്യ കാലത്തിൻ സ്മൃതിയുമായ്
അറിയാതെ മൂളീയ ഏതോ വരികൾ തൻ താളമായ് വന്നണയുന്നൂ ഓണം
പൂക്കൾപറിക്കുവാനോടി നടന്നൊരു സ്വപ്നമായ്മാറിയിന്നെൻെറ ഓണം
ഒത്തൊരുമിച്ച് ചിരിച്ചുല്ലസിച്ചൊരാ
ഒരുമതൻസ്മരണയായിവന്നുവോണം
തുമ്പയും തുളസിയും കെെകോർത്തു നിന്നൊരാപൂക്കാലമോർക്കുന്നു എൻെറ ഓണം
ബാലൃമെഴുതിയോരാപൂക്കളത്തിലെ
വർണങ്ങളായ് മാറിയിന്നെൻെറഓണം
ഇൗറനുടുത്തൊരമ്പലദർശനചന്ദനഗന്ധമുർണത്തും ഓർമ്മയായ് വന്നണയുന്നു വീണ്ടുമൊരോണം
പൊയ്പോയബാലൃത്തിൻനല്ലോർമ്മകൾ തൻ സ്മൃതിതന്നണയുന്നു തിരുവോണം